Он жылдықтар бойы қостанайлықтар мен қала қонақтары халық шығармашылығының дариясынан сусындап, операның озық дүниелерін, симфониялық сұлу шығармаларды, дәрежесі бөлек джаздың, әлемнің және тұтас еліміздің үздік композиторларының құнды мұраларымен қауышып,  өнер ләззатына кенелуде.

Өнер талабына тұтастай  жауап беретін шығармашылық ұжымдардың, заманауи үлгіде бой көтерген ғимараттың, шетел жұлдыздарының гастрольдік сапарларының, сайып келгенде, шебер менеджменттің үйлесуінің арқасында Қостанай облыстық филармониясы Қазақстандағы үздік концерттік мекемелердің сапына сенімді түрде енді.

Облыстық филармониямен үзілмейтін үзеңгілестіктің,  үндестіктің нәтижесінде өңіріміздегі көркемөнерпаз халық шығармашылығы шарықтай түскен.

Осынау тарихи сәтте тұтастай Е. Өмірзақов атындағы облыстық филармониясының ұжымына мықты денсаулық, сарқылмас шабыт, ықыласты көрермен, таңдай қақтырар тың туындылар, арын бітірер гастрольдік сапарлар және шығармашылық шарықтау тілейміз!

Өнер даңғылында өрістеп, өне беріңіздер!!!
 

Құрметпен,
Облыстық көркемөнерпаздардың халық
шығармашылығы мен кинобейнеқор орталығы ұжымы