Қазақстанда жыл сайын қыркүйектің екінші жексенбісінде атап өтілетін

View this post on Instagram

Отбасы күні – әрбір адам үшін сыйластық, махаббат, өзара қолдау мен жауапкершілік сияқты мәңгілік құндылықтардың маңызын айшықтайтын ерекше мереке. Отбасы құндылығын нығайту мақсатында 7–13 қыркүйек аралығында республикалық ақпараттық науқан өтеді. Осы орайда өңіріміздің өнер майталмандары, біздің құрметті ақсақалдарымыз барша отбасыларға ақ батасын беріп, ізгі тілектерін арнады.

Берік отбасы тек қуанышты сәттерден ғана емес, өмірдің кез келген сынағын бірге еңсерумен өлшенеді. Сондықтан бұл апталықтың басты ерекшелігі – тек жағымды бейнелерді көрсету емес, қоғамдағы нақты мәселелерді ашық талқылап, шешім табу. Науқан аясында небір маңызды өзекті бағыттар қозғалады.

Апта бойы әр күнге арнайы тақырыптық бағыттар беріліп, сарапшылардың қатысуымен отбасылық мәдениетті нығайтуға бағытталған ашық пікірталастар мен түсіндіру жұмыстары жүргізіледі. Бұл бастама әрбір шаңырақтың берекесін арттырып, қоғамдағы құндылықтар жүйесін жаңа деңгейге көтеруге қызмет етеді.

Мықты отбасы – берік қоғамның негізі. Бір-бірімізді тыңдап, түсініп, қолдап, қиындықты бірге еңсеру арқылы ғана отбасылық құндылықтарды сақтап, нығайта аламыз. Әр шаңырақта өзара сыйластық пен сүйіспеншілік орнап, отбасы институты әрдайым қоғамның басты құндылықтарының бірі болып қала берсін!