Жәрмеңкенің басты оқиғаларының бірі – биыл Қостанай өңіріне бұйырған республикалық «Алтын домбыра» айтысының бас жүлдесі – қасиетті «Алтын домбыраның» көпшілік назарына ұсынылуы болды. Келушілер жүлдені тамашалап, оның иегері Айбек Қалиевпен жүздесіп, атаулы домбыралар көрмесімен, ұлттық музыкалық аспаптар және тарихи тұлғаларға арналған бірегей экспозициялармен таныса алады.

 

Creative Aimaq жобасы аясында Қостанай өңірінің тарихи мұрасы, ұлттық қолөнері, дизайнерлік брендтері мен креативті жобалары ұсынылады. Қонақтарды этно-сән көрсетілімдері, шеберлік сабақтары, авторлық көрмелер және «Қалам» фильмінің таныстырылымы күтеді. Сондай-ақ авторлық зергерлік бұйымдар, ұлттық киімдер, кәдесыйлар мен қолөнер өнімдерін тікелей сатып алуға болады.