#REPOST @madeniet_jangeldin - «ӨМІРГЕ ӨЛЕҢ КЕРЕК» атты әдеби-сазды кеш өтті

«Ауыл және мәдениет» жобасы аясында Ақшығанақ ауылында Қазақстан Республикасының еңбек сіңірген қайраткері, халықаралық «Алаш» әдеби сыйлығының лауреаты, ақын-драматург Серік Тұрғынбекұлының 80 жас мерейтойына арналған «Өмірге өлең керек» атты әдеби-сазды кеш жоғары деңгейде ұйымдастырылды.

Кеш қонақтарды қазақтың ұлттық салт-дәстүрімен қарсы алудан басталып, ауылдың ақ жаулықты аналары шашу шашып, ақ тілектерін арнады. Шара барысында Серік Тұрғынбекұлының өмірі мен шығармашылығына арналған бейнебаян көрсетіліп, ақынның қазақ әдебиеті мен мәдениетіне қосқан өлшеусіз үлесі кеңінен насихатталды.

Кештің құрметті қонағы – мерейтой иесі Серік Тұрғынбекұлы көрермендермен сырлы сұхбат құрып, туған жерге деген сағынышы мен шығармашылық жолындағы естеліктерімен бөлісті.

Шара барысында Қ. Топаев атындағы жалпы білім беретін мектептің оқушылары ақынның өлеңдерін мәнерлеп оқып, жергілікті өнерпаздар Серік Тұрғынбекұлының сөзіне жазылған және халық сүйіп тыңдайтын әндерді орындады.

Мерейтой иесін аудан әкімі Дінмұханбет Серікұлы, ауыл ақсақалдары мен Ақшығанақ ауылдық округінің әкімі Нұрсұлтан Қуанышұлы құттықтап, ізгі тілектерін жеткізіп, сый-құрмет көрсетті.

Рухани кеш қазақ әдебиетінің көрнекті өкілі Серік Тұрғынбекұлының шығармашылық мұрасын дәріптеп, жас ұрпақтың ұлттық әдебиетке деген қызығушылығын арттырған мазмұнды әрі тағылымды басқосу болды.

@madeniet_jangeldin