Концерт жыл айрығында мәдениет және өнер қызметкерлерінің жыл қорытындысы бойынша үздіктерін марапаттаудан басталды. Үздіктерді облыстық халық шығармашылығы орталығының басшысы Дәмер Қалқаев марапаттап, құттықтады. 
 

Кешке өмірде де, өнерде де қатар жүрген жанұялық дуэттер қатысты. Концерт шымылдығын қырық жылға жуық сахнада бірге өнер көрсетіп келе жатқан Қадыр – Майра Қаржауовтар ашты. Сондай-ақ, Тобыл – Нұржамал Болатовтар, Жандос – Динара Мырзахметовтар, Жарқынбек – Гүлбақыт Деріпсалдиндер, Тасқын – Жұлдыз, Бекзат – Ботакөз, Бейбарыс – Гүлжан, Асхат – Дидар Шыңғысовтар, Қанат – Әсем Ражановтар сынды өнерлі отбасылар өз өнерлерін ұсынды.
 

Кеш соңында барлық қатысушыларға алғыс білдіріліп, сый-сияпаттар табыс етілді.
 

«Қос жүректің әуені» – махаббат пен шығармашылықтың, отбасы мен өнердің үйлесімін көрсеткен тағылымды жоба ретінде көрермен жадында қалды.