#REPOST @kineu.kz ТӘУЕЛСІЗДІК ҚАДАМДАРЫ 🏆Бүгін Қазақстан халқы Ассамблеясының 30-жылдығына және Қазақстан Тәуелсіздігі күніне орай Қостанай инженерлік-экономикалық университетінде студенттер, профессорлық-оқытушылық құрам, әлеуметтік серіктестер және түлектер қауымдастығының мүшелері арасында «Тәуелсіздік қадамдары» атты шахмат турнирі өткізілді
♟️Университет бастамасын «Қазақтелеком» АҚ, Қостанай облысының «Қазақстанның Іскер әйелдер қауымдастығы», Қостанай облысы әкімдігінің Мәдениет басқармасының облыстық көркемөнерпаздар халық шығармашылығы және кинобейнеқоры орталығы, Қостанай облысының Кәсіпкерлер палатасы, «BESTKZ» білім және туризм орталығы, «Интергаз Орталық Азия» АҚ «Қостанай» МГБ филиалы,«Астық» Элеваторлық жабдық» зауыты ЖШС, «Respublica» партиясы қоғамдық бірлестігінің Қостанай облыстық филиалы, «БЕСҮЙРЕК» балабақшасы, және жеке кәсіпкер Шалпенеева Алия Токзаковна барынша қолдау көрсетті.
🤗Салтанатты ашылу рәсімінде ҚИнЭУ ректоры Арман Исмаилов қатысушыларды құттықтап, оларға сәттілік тіледі. Турнирдің ашылу сәті ерекше әсерлі болды. Студенттер шахмат фигураларын бейнелеп, арнайы көрініс көрсетті.
💫Жарысқа университет студенттері мен ұстаздарынан бөлек, арнайы шақырылған қонақтар - біздің серіктестер, балалар-жасөспірімдер спорт мектебінің шәкірттері және түлектер қатысты. Бұл жайт аса қуантарлық.
🧠Ойындар қарқынды өтті. Кейбір қатысушылар позициялық стратегияны таңдаса, кейбірі алғашқы қадамдардан шабуылға шықты, ал басқалары қарсыластың қателігін күтіп отырды.
🙌🏻Турнирдің ең жас қатысушысы - Анна Жуйко және ең тәжірибелі қатысушысы Римма Габдулловна Гайсенова арнайы сыйлықтармен марапатталды.
🥇Сайыс қорытындысы бойынша 1 орынды университет түлегі - Руслан Салимов, 2 және 3 орынды балалар-жасөспірімдер спорт мектебінің шәкірттері: Ансар Демисенов пен Альазиз Смагулов иеленді.
✨Бұл турнир әр түрлі ұрпақтарды біріктіріп, интеллектуалды спортқа деген қызығушылықты арттырды.
🤝Турнирді ұйымдастыруға қолдау көрсеткен барлық серіктестерге және Қостанай облысы бойынша Қазақстан шахмат федерациясының атқарушы директоры Павел Владимирович Русановқа алғысымыз шексіз.
