Әсия Беркенованың есімі бүгінде Қостанай өңірінің мәдени өмірімен тығыз байланысты. Оның поэзия кештері, жастармен кездесулері, өнер мен білім ордаларында өткен шығармашылық сабақтары — жас буынды рухани тәрбиелеудің маңызды бөлігіне айналды. Ақынның әрбір сөзі, әрбір жыры туған жердің қадірін, елге деген сүйіспеншілікті сезіндіреді.

 

Ол – Қостанай ақындық мектебінің қалыптасуына серпін берген тұлға. Әсияның шығармалары арқылы өңірдің рухы, табиғаты, адамдарының мінезі мен еңбегі көркем бейнеленіп, ұлттық әдебиет қазынасына қосылды.

 

Қай ортада жүрсе де, Әсия Беркенова өз жерінің намысын биік ұстайды. Оның есімімен Қостанай мәдениеті, қазақ поэзиясының биік өрісі егіз ұғымға айналды.

 

 

------------