Облыстық және республикалық айтыстарда топ жарып, жүлделі орындардан көрініп жүрген, күні кеше командалық айтысты бастаған арқалықтық жас ақын Нұрислам Рағатов өнер жолындағы ұстазы, айтыс өнерінің дүлдүлі Әсия Беркеноваға жүрекжарды лебізін жыр жолдарымен арнап, құттықтады.
Жар болып өзіңізге Жаппарымыз,
Әлі талай қызмет атқарыңыз
Жеті жұрттың тойына айналардай,
75 жасқа келіп жатқаныңыз.
Біз үшін құны қымбат батаңыздың,
Біреуі сіз орақ тіл, от ауыздың
Жүз жасқа келгенінше жас көрініп,
Жүзіне әжім түспесін апамыздың.
Құттықтап балаңыз бен немереңіз,
Біздерге мәңгі азық қой өнегеңіз,
Шәкіртіңіз көбейіп күннен күнге,
Жылдан жылға кеңейсін керегіңіз.
Көтеріп анамыздың жаулығын біз,
Ол кісі жарқырайтын мәңгі жұлдыз.
Халық ақыны жазылып кетсінші деп
Халық болып тілейміз саулығын біз.
