Ұлттық киім – ұлтымыздың рухани болмысы мен ғасырлар бойғы мәдени мұрасын айшықтайтын асыл қазына. Ол халқымыздың тұрмыс-тіршілігімен, дәстүрімен, талғамымен тығыз байланысты. Бұл күнді арнайы Ұлттық киім күні деп белгілеу – ұлттық құндылықтарға деген құрмет пен сүйіспеншілікті арттырудың бір жолы.
✨ Бүгін ұлттық киімді кию – ата-бабалар мұрасын дәріптеу, мәдениетімізге деген құрметтің көрінісі!
🔹 Қазақтың ұлттық киімі – сән ғана емес, өнердің, шеберліктің, тарихи сабақтастықтың үлгісі.
🔹 Оның әрбір ою-өрнегі, матасы мен пішіні – халықтың дүниетанымы мен өмір салтынан сыр шертеді.
🔹 Бүгінде ұлттық нақыштағы киімдер күнделікті стильмен үйлесіп, заманауи сән әлемінде ерекше орын алуда.
🎭 Ұлттық киім – ұлттың айнасы
Бүгін облыстық халық шығармашылығы орталығының ұжымы да жұмысқа оюлы шапан мен зерлі қамзол киіп келді. Бұл бастама ұлттық бірегейлігімізді нығайтып, жастарды дәстүрге жақындата түсудің тамаша үлгісі.
📢 Барша қазақстандықтарды ұлттық мәдениетті ұлықтауға, ата-баба аманатына адал болуға шақырамыз!
