Салтанатты шараға осы өңірдің тумасы, Мәдениет саласының үздігі Салтанат Жақаева, облыстық халық шығармашылығы орталығының басшысы Дәмер Қалқаев, аудан басшылары, ауыл тұрғындары және өнерпаздар қатысты. Ашылу рәсімінде ақсақалдар бата беріп, салтанатты түрде лента қиылды, шашу шашылып, жаңа мәдениет ошағының есігі айқара ашылды.

 

Жаңа мәдениет үйі заманауи талаптарға сай жабдықталып, түрлі мәдени іс-шараларды ұйымдастыруға қолайлы жағдай жасалған. 

 

Салтанатты ашылу рәсімінен кейін жиналған қауым үшін ауыл өнерпаздарының қатысуымен мерекелік концерт ұйымдастырылды. Жергілікті тұрғындар жаңа нысанның ауыл өміріне оң ықпал ететініне сенім білдіріп, осындай игі бастамалардың жалғасын табуын тіледі.