Бүгін облыстық ғылыми-әмбебап кітапханасының басшысы Сәния Безаубекова облыстық халық шығармашылығы орталығына арнайы келіп, орталықтың басшысы Дәмер Қалқаевпен кездесіп, алдағы жоспарлар мен ынтымақтастық бағыттарын талқылады
Кездесу барысында екі мәдени ошақтың бірлесіп жұмыс істеуінің маңызы зор екені атап өтілді. Тараптар өзара мәдени байланыстарды нығайту және шығармашылық іс-шараларды бірлесе ұйымдастыру туралы пікір алмасты.
Сәния Серікқызына орталық атынан «Шабыт қанатында» журналының кезекті саны мен іс-шараларда қолдануға қазақтың домбырасы, үкі бейнесіндегі кәдесый тарту етілді.
Алдағы уақытта да бұл мәдени байланыс беки түсіп, аймақтағы өнер мен мәдениетті дамытуға, шығармашылық кездесулер мен түрлі жобаларды жүзеге асыруға ықпал ететін болады. Екі мекеме арасындағы ынтымақтастық облыстағы мәдени ошақтардың дамуына жаңа серпін берері сөзсіз.