Халықтық бөлімнің өзі 53 түрлі іс-шара өткізіп, ұлттық өнер мен дәстүрді дәріптеуге ерекше назар аударды. Сонымен қатар, мәдени-ағартушылық, шығармашылық жобалар және басқа бөлімдердің қызметі де жоғары деңгейде жүзеге асырылды. Әр бөлім өз міндеттерін үлкен жауапкершілікпен атқарып, орталықтың жұмыс сапасын жаңа белестерге көтерді.

 

Бүгін орталықтың басшысы Дәмер Қалқаев барша қызметкерлерді кәсіби жетістіктерімен құттықтап, үздіктерді түрлі номинациялармен Алғыс хат табыстады. Бұл тек өткен жылдың қорытындысы ғана емес, алдағы уақытқа серпін беретін маңызды кезең.

 

Келер жыл да осындай табысты әрі жемісті болсын! Орталық ұжымы жаңа идеялар мен шығармашылық жобалар арқылы халықтың мәдени өмірін байыта береді деген сенімдеміз.