Бүгін «Алтын дән» мәдениет үйінде көркемөнерпаздар ұжымдарына «Халықтық» немесе «Үлгілі» атағын беру мақсатында арнайы іс-шара өтті
Бұл байқауға облыстың түкпір-түкпірінен бірнеше өнер ұжымдары қатысып, өздерінің шығармашылық шеберліктерін көрсетті. Іс-шараның басты мақсаты – өңірдегі өнерпаздардың еңбегін бағалап, олардың кәсіби деңгейін арттыруға ықпал ету.
Қазылар алқасы бағалап, қорытынды сөзді Қостанай облысы әкімдігінің мәдениет басқармасы басшысының орынбасары Саят Дәулетұлы айтты. Ол өз сөзінде өнер ұжымдарының өнерге деген ықыласы мен жауапкершілігін ерекше атап өтіп, барлық қатысушыларға алғысын білдірді.
Іс-шараны ұйымдастыруға қолдау көрсеткен Қостанай ауданының мәдениет бөлімінің басшысына және «Алтын дән» мәдениет үйінің ұжымына зор алғысымызды білдіреміз. Сонымен қатар, байқауға қатысқан өнер ұжымдарына шығармашылық табыс, жаңа жетістіктер мен жоғары деңгейдегі марапаттарға жетулерін тілейміз.
Байқаудың қорытындысы алдағы уақытта жарияланатын болады.
