Дәл осы тақырыппен жерлестеріміз, Жамбыл атындағы Халықаралық сыйлықтың лауреаты, ҚР жазушылар одағының мүшесі, ақын, сазгер, қол өнер шебері Серікбай Оспанұлы мен жұбайы Күлзада Мырзағалиева үш бөлімнен тұратын кітап жазып шығарды. Бірінші бөлімде «Күй домбыра» деп аталса, екінші кезеңде «Ән домбыра» деп аталған. Үшінші бөлімнің тақырыбы «Оркестр».
БІРІНШІ БӨЛІМДЕ: күй домбыраның шығу тегі, домбыра адамзатқа қалай жақын, үнінің ерекшелігі және домбыра жасау әдістері, домбыраның түрлері, елімізге танымал күйші, композиторлар жайында кеңінен жазылған.
ЕКІНШІ БӨЛІМДЕ: ән домбыраның әуенінің табиғатпен үндестігі, алғашқы музыка танушылар туралы және ән төңірегіндегі мәселелер қозғалады. Ән төңірегіндегі басқа да мәселелер қозғалады.
ҮШІНШІ КЕЗЕҢДЕ: оркестр туралы, өнерпаздар, өнер туралы мақалалар, күй, ән аңыздары туралы топтастырылған.
Тағы да айта кетерлік кітапта жерлестеріміз Назымбек Молдахметов, Абай Әмірханов және сазгер Қалибек Деріпсалдин тағы да басқа сазгерлер мен күйші, әншілер туралы да кеңінен жазылған.
Кітапты оқыған адам рухани тәрбие, рухани азық алып десек артық емес. Бұрындары айтылмай жүрген әңгімелер, біздің аспаптардың үні табиғатпен байланысады, үндесі бар екенін кеңінен насихаттайды. Бұл кітаптан оқыған адам күйлердің шығу тарихымен танысады. Өнер адамдары, сыншылар, талантты өнерпаздар, ақындар мен салсерілер және зиялы қауымдар жайында ақпарат алады. Кітап өнер адамдарына, музыка мамандарына, домбырадан сабақ беретін ұстаздарға, үйірме өткізетін мамандарға көп көмегін береді.
Болашақ ұрпаққа үлгі болатын, ел ертеңіне қажет болатын естеліктер мен елеулі есімдерді іздесеңіздер «Әлем – әуен, домбыра-рух» кітабынан табасыздар.
Құрметті өнер сүйер қауым, бұл кітапты алып, оқығыңыз келсе мына мекен-жайға хабарласыңыз: Нариман көшесі 93 үй, тел. 87023493633
