Меңдіқара ауданында акцияға қатысқан Краснопресен мен Надеждин ауылының оқушыларының ішінде өзге халықтың өкілдері бар. Қарабалық ауданында да осындай үрдіс байқалады. Рудный қаласында өткен акцияға музыкалық колледждің 2 курс студенті корей ұлтының баласы Марк Ли де қатысты. Ол былтырғы домбырашылар байқауының жүлдегері еді. 
 

Ал Федоров ауданында өнер көрсеткен 140 домбырашының 27-і өзге ұлт өкілі. Мысалы, Федоров аудандық әкімдік қызметкері Татьяна Гордиева, Федоров ауылдық әкімдігінің есепшісі Алексей Абилев, мәдениет үйінің қызметкерлері Александр Липенко, Игорь Бадин, Наташа Ермакты атап өтуге болады. Колледж студенттерінен де, мектеп оқушыларының ішінен де өзге ұлт өкілдерін байқауға болады. Первомай ауылының әкімі Максим Турминнің ұлты орыс болса да іс-шараға бастан аяқ белсенділікпен қатысқан.

 

Акция әрі қарай жалғасын таба бермек. Ал қорытындысы 7 шілдеде Ұлттық домбыра күнінде Қостанай қаласында, Тобылдың жағасында қортынды концертте домбырашылар концерт беріп, акция аяқталады. 
 

Аталмыш акция жайында ақпараттар жергілікті БАҚ көздерінде, әлеуметтік желілерде толығымен жарияланып жатыр. Апта сайын ұйымдастырушылар, домбырашылар телеканалдарға шығып, бұл күннің маңызы, ерекшелігі жайында ақпарат беріп, кездесулер өткізуде.