Өңірде мемлекеттік органдар су тасқынына қарсы барлық қажетті шараларды жүргізуде.
Қостанай облысының аумағында Қостанай, Қарасу аудандары мен Қостанай қаласында 161 үй су астында қалды.
Қаратомар, Верхний-Тобольск, Желқуар су қоймалары бақылауда. Бүгінгі күні Каратомар су қоймасынан судың ағуы 2200 м3 / с дейін төмендеді , сонымен қатар ағынның 1950 м3/с дейін төмендеуі байқалады .
Су басу қаупінің сақталуына байланысты Тобыл және Түнтегір өзендерінің бойындағы елді мекендер (Қостанай қ., Қостанай, Меңдіқара аудандары) назарда қалады.
Облыс орталығына 2 кірме жол әлі де жабық, қозғалыс орталық көпір арқылы жүзеге асырылады . 9 сәуірге қараған түні су тасқыны кезінде орнатылған құбыр алынды. Көпірлердің жабық учаскелеріндегі қозғалыс Тобыл өзеніндегі су деңгейінің төмендеуінен кейін қалпына келтіріледі.
Сондай-ақ, 9 жолда қозғалыс қалпына келтірілді, қалғандары бойынша жұмыс жалғасуда. Су тасқыны кезінде барлығы 24 автожолда қозғалыс шектелді.
Су тасқыны кезеңінде шамамен 795 068 мың м3 еріген қар суы сорылып, 86 754 мыңнан астам қап және 7 351 тонна инертті материал төселді.
9097 адам құтқарылып, эвакуацияланды. 759 адам уақытша орналастыру пункттеріне орналастырылды.
7 өңір - Федоров, Қарасу, Қостанай, Әулиекөл, Сарыкөл, Науырзым аудандарында және Қостанай қаласында еріген қар суын сору, қап төсеу жұмыстары жалғасуда.
Өңірде су тасқынынан зардап шеккендердің барлығына көмек көрсету жұмыстары басталды. Біржолғы әлеуметтік төлемдер ұйымдастырылып, демеушілік және гуманитарлық көмек көрсетілуде.
Атқарылған жұмыстар мен іс-шаралар нәтижесінде Жангелдин ауданының тұрғындары үйлеріне қайта оралды.
Біржолғы әлеуметтік төлемдер басталды, сондай-ақ демеушілік және гуманитарлық көмек көрсетілуде.
Қалалық, аудандық әкімдіктерде табиғи сипаттағы төтенше жағдай салдарынан зардап шеккендерге келтірілген материалдық залалды өтеу туралы өтініштерді қабылдау ұйымдастырылды. Мүлікке келтірілген зиянның мөлшерін бағалау жөніндегі комиссиялар жұмыс істеуде.
8 сәуірдегі жағдай бойынша 587 отбасына 107,3 млн. теңге сомасында әлеуметтік көмек төленді.
Еріктілер мен бей-жай қарамайтын азаматтар су тасқынына қарсы іс-шараларда тәулік бойы жұмыс істей отырып, айтарлықтай көмек көрсетуде. Қостанай облысының әкімі Қ. Ақсақалов табиғи апатқа қарсы күресте мемлекеттік органдарға қосылған барлық бей-жай қарамайтын азаматтарға шын жүректен алғысын білдірді.
Су тасқыны жағдайына мониторинг жасау жұмыстары жалғасып жатыр. Жағдай бақылауда.
