Қазақстан үшін Наурыз мейрамы - тек қуанышты тойлау ғана емес, өткенді саралап, болашаққа жоспар құрудың уақыты. Наурыз - салт дәстүрді түгендеу емес, салт-дәстүрді тірілту. «Жаңару» күні барша азаматтарды ортақ мақсаттарға жету жолында бірігуге және ынтымақта болуға үндейді. Бұл - рухани жаңғырудың үлкен бір белесі. Жаңару мен жасампаздықтың бастауы, ырыс пен берекенің арқауы. Бүгін – Жаңару күні. Бұл күн барша азаматтарды ортақ мақсаттарға жету жолында бірігуге және ынтымақта болуға үндейді.

 

Жангелдин ауданында “ Наурыз “ мейрамын тойлау 10 күндігі жалғасуда. Жаңару күніне орай “ Аспаптар үні “ атты домбырашылар челленджі өтті. Аудан орталығындағы Ы. Алтынсарин орта мектебіне 150-ге жуық домбырашылар жиналып, “ Ұлттық домбыра күніне “ орай белгіленген 7 күйді орындады. Аталмыш іс-шараға аудан әкімінің орынбасарынан бастап, бөлім басшылары және аудан ардагер ақсақалдары қатысты. Домбырашыларға сәттілік тілеп, “ Наурыз “ мерекесімен құттықтады.

 

Наурыз – жылдың басы. Алты ай қыстан аман шыққан халық күннің көзін көріп риза. Жаңару күні жақсылыққа ұмтылып, жылды ойдағыдай қарсы алайық.  Биылғы жыл молшылық пен байлыққа толы болсын!