Домбыра — қазақ халқының ең кең тараған екі ішекті, көп пернелі музыкалық аспабы. Ол — қазақтар өмірінде маңызды орын алатын, өзіндік музыкалық сипаты бар аспап. Алғаш эпикалық дәстүр шеңберінде жыр, толғау, термелерді сүйемелдеуге қолданылған домбыра кейін аспаптық шығарма — күй жанрының қалыптасуына ықпал еткен. Қазіргі кезде домбыра жеке әнді сүйемелдеуге, күй тартуға, халықтық-фольклорлық музыкада, классикалық шығармаларды орындауға қолданылатын, мүмкіндігі кең музыкалық аспап болып табылады. Домбыра — қазақтың халық аспабы. Домбыра -қазақ халқының әрбір үйінде болуы міндетті және қажетті аспап болып есептелген. 

 

Челленджді ұлттық өнерге жанашыр болып, қолдау көрсетіп жүрген аудан әкімі Шота Сәбитбекұлы бастап берген болатын.

 

Аудан әкімі бастаған челленджді аудан әкімінің әлеуметтік сала бойынша орынбасары Еренбол ҚАЙЫРБЕКҰЛЫ жалғастыра отыра, аудан әкімінің орынбасары Дінмұхамед СЕРІКҰЛЫНА ұсынды.

 

ҚР Президент жарлығымен 2018 жылдан бастап шілде айының бірінші жексенбісі «Ұлттық домбыра күні» болып бекітілген болатын. Содан бері ауқымды іс-шаралар легі жалғасып жатыр.

 

Қазіргі уақытта аудан мекемелері мен ұжымдарында домбыра күніне дайындық жұмыстары жүргізілуде. Айта кету керек, қатысушылардың 50 пайызы мектеп оқушылары. Сол себепті, билік өкілдері домбыраны әрі қарай насихаттау үшін және домбыра үйірмелеріне қатысып жүрген балаларға қолдау көрсету үшін домбыра сыйлау челленджін қолға алып келеді.