✅ “ Домбыраның “ қадір қасиетін, құнды аспап екенін қазақ халқы жақсы білеміз. Тұрмыс тіршілігімізде алатын орны өте ерекше. Тарихымызда халқымыз осы домбыра арқылы тіл жетпеген, сөз жетпеген жерлерде осы домбырамен сырымызды да айтқанбыз, мұңымызды да айтқанбыз, қуанышымызды да жеткізгенбіз. Домбыра - ғасырлар бойы қазақ халқымен бірге жасап, қиын-қыстау кезеңдерде елдің мұң-мұқтажын тілсіз жеткізген қастерлі аспабымыз. Бұрын оның үні алты қырдан асатын болса, қазір алты құрлыққа жетіп, әлем халқын тәнті етіп келе жатыр. Сондықтан, асыл домбырамыздың құдіретін ұрпақтан-ұрпаққа жеткізудің идеологиялық маңызы зор.
✅ Республикамызда киелі аспапты қастерлейтініміздің белгісі ретінде шілденің бірінші жексенбісі “ Ұлттық домбыра күні ”болып бекітілген. Жыл сайын бұл мерекенің дәстүрлі түрде дәрежесі мен тойлануы артып келеді. Биыл Қостанай облысы бойынша “ Ұлттық домбыра күнінде “ яғни, 7-шілде күні 7 мың домыбрашы 7-күйді бір мезетте орындау жоспарлануда. Бұл ауқымды іс-шараға біздің Жангелдин ауданы да өз үлесін қосатын болады. Қазіргі таңда аудан бойынша дайындық жұмыстары жүргізіліп жатыр.
✅ Бүгінгі күні жас жеткіншектеріміз “ Ұлттық домбыра күніне ”ерекше ынта білдіріп, талпынып, дайындық жұмыстарын қызу жүргізіп жатыр. Солардың бірегейі, жас жеткіншегіміз Іңкәр Ермекқызына алдағы іс-шараға деген ерекше ынтасы үшін домбыра сыйлаудамын. Іңкәр Ермекқызы Болат Хамзин атындағы өнер мектебінде домбыра бөлімінің оқушысы. Алдағы уақытта болашағынан зор үміт күттіріп отырған жасөспірімдердің бірі. Іңкәр Ермекқызына сәттілік тілей отырып, әрқашан биік белестерден көрінуіне тілектеспін. Болашағың жарқын болсын!
✅ Осы “ Домбыра сыйла “ челленджін Аудандық мәслихат төрағасы Анар Мұратқызына және орынбасарларыма жолдаймын.
