Маңғыстауда жүрген әріптесіміз Гүлнар Молдашеваның айтуынша, көктемнің басталуын тойлау бүгін де жалғасқан. Әр күнге арналған бағдарлама бар. Тұпқараған, Мұнайлы, Қарақия және Жаңаөзен қалаларының шығармашылық ұжымдары мен әртістерінің концерттік бағдарламасы тамаша болған. Одан әрі қала тұрғындары мен қонақтары спортшылардың белдесуін тамашалады. "Қазақ күресі", "түйе палуан" спрорттық ойындар, тазы тұқымдас ит жарыстары жарқын әсер қалдырды. Іс-шаралар қаланың әртүрлі жерлерінде өтті. Сахнада "тұсау кесу" рәсімі өткізілді. Бұл жерде Мұнал ата ұрпақтары кеше тұтанған бірлік отын Қосай ата ұрпақтарына табыстады. Батыста бұл дәстүр ғасырлар бойы өтіп, жыл сайын ұйымдастырылып келеді. Сондай - ақ, Отпан таудағы отты жалын көктемнің келгенін білдіреді. Амал мейрамы биыл қасиетті Рамазан айымен тұспа тұс келіп тұр. Сондықтан іс-шараларды ұйымдастырушылар ораза кезінде күн батқаннан кейін ауызашар беріп, онда дәстүр бойынша жақын және алыс шетелдерден келген әрбір қонаққа ұлттық шапан жапты. Мереке ҚР Халық әртісі Роза Рымбаеваның ұлдары Әли Оқапов пен Мәди Рымбаевтің, сондай-ақ Маңғыстау қаласының эстрада жұлдыздарының концерттік бағдарламасымен аяқталды.