Қостанай төрінде облыстық мәдениет басқармасының колдауымен, облыстық халық шығармашылығы мен кинобейнекор орталығының ұйымдастыруымен облысымызға кеңінен танылып, мәдениетіне зор үлес қосып, өмірде де, өнерде де бірген жүрген жанұялық жұптар, отбасылық дуэттер ән салып, қалың көрерменнің басын қосып, бұрынғыдан өзгерек концерт берді.
Көрерменнің қарасында шек жоқ. Зал лық толы халық. Тіптен орын да болмады. Соған қарамастан өнерден сусаған көрермен гүлін құшақтап, патша көңілмен тұрып та тамашалауға риза болып жатты.
Көктемнің лебін әкелген «Қос жүректің әуені» атты отбасылық өнерлі отбасыларға арналған өнер кешін облыстық халық шығармашылығы орталығының жанынан құрылған «ШАҢЫРАҚ» ұлттық өнер оталығы алғаш рет қолға алып, аншлагпен өткізді.
Өнер көрсеткендер облыстың әр өңірінен келген, өнерде де, өмірде де бірге жүрген жұбайлар.
Кеш соңында орталық басшысы Дәмер Елтайұлы баршаға алғысын білдіріп, сый құрметін көрсетті. Көпшілік «осындай кештер аудан, ауылдарда да өтсе» деген тілектерін білдіріп жатты.
