Елімізге белгілі композитор, әнші, ҚР Еңбек сіңірген мәдениет қызметкері, ҚР Композиторлар одағының мүшесі, Қостанай қаласының құрметті азаматы Қалибек Деріпсалдин ағамыздың бүгін туған күні
«Айлы түнде», «Асыл құрбым», «Ұстаз арманы», «Көктем – қыздар» жəне тағы басқа әсем әндерімен елін әлдилеген, Қостанай мен Торғайдың Шәмшісі атанған Қалибек Деріпсалдин ағамыздың өнер әлемінде өзіндік қолтаңбасы, ерекше стилі бар. Талғамы биік тыңдарманның жоғары бағасын алған, құрметке бөленіп, қазақ өнерін байытуға өлшеусіз үлес қосып келе жатқан сырлы сазгер, таланты мен азаматтығы қатар жүрген қажырлы қайраткер. Ол кісінің туған жеріне, еліне деген құрметі ерекше. Ағамыздың әндері, өнері қаламызда ғана емес, қазақ эстарда жұлдыздарының орындауында кеңінен тараған. Осы еңбегін елі де бағалап, құрмет тұтады.
Алдағы уақытта да еселі еңбегіңіз елене берсін. Әр әніңіз бен өнерге қосқан үлесіңіз үшін айтар алғысымыз зор. Бүгінгі туған күніңіз құтты болсын. Деніңіз сау, басыңыз аман болсын. Сізді мәпелеп отырған жарыңызға, əулетіңізге құт-береке тілейміз. Туған күніңізбен, жақсы аға. Жасай беріңіз!
