Фильмді түсірген танымал кинорежиссер Талғат Теменов. Ол біздің өңірге облыс әкімінің қолдауымен арнайы келіп, облыстық мәдениет басқармасының басшысы Құралбек Атамұратовпен бірге ұлы ағартушы Ы.Алтынсариннің басына барып, құран бағыштады.
Одан әрі жаңадан ашылған «IQостанай» смарт орталығында болып, жұмыстарымен танысты. Облыстық қазақ драма театрында өңір әртістерімен кездесті.
Кешкі көрсетілім барысынды танымал режиссер фильм жайында әңгімелеп, тарихына тоқталды. Көрсетілімге зиялы қауым өкілдері, мәдениет ардагерлері, қызметкерлерімен қатар
облыс әкімінің орынбасары Ринат Мұхаметқалиев те арнайы келіп, фильмді тамашалап, облыс әкімі Құмар Ақсақаловтың атынан сөз сөйлеп, алғыс айтып, гүл шоқтарын табыстады.
Фильм сарбаздың соғыстағы ерлігі, басты кейіпкерлердің қарым-қатынасындағы жанашырлық, махаббат, поэзия, патриотизм, қазақ қыздарының батылдығы туралы баяндайтын туынды. Көрермендерге келер жылы жол тартады деп жоспарланып отыр.
