Бүгін қалалық "Мирас" мәдениет сарайында облыстық меценаттар клубының лауреаты, ҚР еңбек сіңірген мәдениет қызметкері, Композиторлар одағының мүшесі, әнші, композитор Бақытжан Мұқашевтің 75 жас мерейтойы мен өнерде жүргеніне 55 жыл толу құрметіне арналған "Әнім саған, туған жер" атты шығармашылық концерті өтті
Кеш барысында қалалық мәдениет бөлімінің басшысы Сәуле Әзімжанова, композитордың бірнеше әніне сөз жазған ақын, Ақылбек Шаяхмет, Облыстық халық шығармашылығы орталығының атынан Бағдат Оспанов, Композиторлар одағының төрағасы Азамат Мұқатов және басқа да замандас, өнердегі достары құттықтады.
Облыстық халық шығармашылығы орталығының атынан мерейтой иесіне Алғыс хат табысталып, иығына шапан жапты.
Кеште автордың ең танымал әндері орындалып, халықтың зор ықыласына бөленді.
#ГидПоКазахстану
