Қазақстанның қай өңірі болса да Көпен аға келе жатыр десе асыға күтіп, қуана қарсы алатын. Әсіресе ағаның өз замандастары мен өнерін, шығармашылығын жақсы көретін жандар ерекше елеп ескерді.
Елімізде қанша театр болса, соның бәріне тілекші болып, жас таланттардың басы қосылып жүрген «Жайдарман» жастарын да қолдап, барша өнерпаздарға батасын беріп жүрді. Көңілі кең Көпен аға бір отырыста Тобыл-Торғай өңіріне алғаш қалай келгенін айтып берген болатын. Арқалыққа баруға ұшаққа отырғанда жанында ұзын бойлы, көзілдірік таққан ер адам сапарлас болып келіпті. Бірін-бірі танымайды, бірақ бір-біріне қайта-қайта қарай берсе керек. Бір-біріне қараумен Арқалыққа жетіп, әуежайда ұшақтан түсіп екеуі екі жаққа жөнімен кете барады. Көпен аға Арқалықтың редакциясына барып Сейіт ағаны сұрастырсып мекен-жайын алады. Сонымен Мир көшесі, 3 үй, 33 пәтеп, 3 қабатты іздеп көше бойлап келе жатқанда Мир көшесіндегі бір үйдің үшінші қабатында қылтимада (балконда) ер азаматты көреді де жаңа ғана менімен бірге келген адам нағып тұр деп ойланып, іздеген мекен-жайына келеді. Үшінші қабатқа көтеріліп 33 пәтердің есігін қағып тұрып ойландым дейді. 3 ші үй, 33 ші пәтер, 3 ші қабат, бұл нағылған толып кеткен үш деп ойланып тұрғанда есікті балалар ашты, папаң бар ма деп едім, аржағынан жаңағы қылтимадағы (Балкондағы) ер азамат келді, «Ассалаумағалейкум» деп едім, жоқ іздеп жүрсің бе деді. Сейіт деген ағаны іздеп келдім десем, Сейіт аға, менің сендей көк көз інім жоқ деген кезде екеуміз де күліп жібердік. Мен Көпен Әмірбекпін деп алғаш танысқан болатынбыз. Сол уақыттан бері Тобыл-Торғай еліне, Сейіт ағаға жиі келіп тұрдым,- деп еді. Көпен аға, Сейіт ағаны қатты құрметтеп, шығармашылығын ерекше бағалаған адам. Біздің Тобыл-Торғай, Қостанай өңірінде Сейіт ағаның атында «Мірдің оғы» атты Республикалық әзіл-сықақ театрлар арасында байқау 2019 жылдан бері өтіп келеді. Осы байқаудың жоғарғы деңгейде өтуіне 2019 жылдан бері арнайы келіп қатысып жүрген Көпен аға еді. Көпен аға соңғы рет 2022 жылы «Мірдің оғы» байқауында төрелік жасап еді. Көпен ағаның ауырып жүргенін біліп, «Биылғы жылы қатыса алмасаңыз әуре болмаңыз, біз ренжемейміз» дегенде Көпен аға «Сейіттің аруағы үшін, Сейіттің көрермені үшін барамын», - деп келіп еді. Байқауды өткізіп қонақтарды шығарып салу барысында Көпен ағаны әуежайға апарып ұшаққа отырғызғанда бір ауыз сөз айтып еді.
«Осымен болған шығар, Қостанайға соңғы келуім шығар»...
Көпен ағаның өмірден өткеніне де бір жыл болып қалыпты, Алла алдынан жарылқасын, иманды болсын.
