Еліміздегі ірі тележобалардың бірі «Х Фактор» байқауының жеңімпазы атанған Айдар және Бекболат Жазықбаевтар Әулиекөл аудынының тумасы. «BRO» дуэті «X-Factor» телевизиялық жобасының 8-маусымының жеңімпазы. Бекболат жас болса да тәжірибесі бар әнші. Ол осы уақытқа дейін «Алтын микрофон» байқауының Гран-приін қанжығасына байлаған, «Super Qala Kz» тележобасына және ТНТ арнасындағы «Песни» жобасының кастигіне қатысқан. «X FACTOR ҚАЗАҚСТАН» байқауына қатысып көрген. Ал Айдар Жазықбаев ағасынан 4 жас кіші, сөйте тұра оның да музыка өнеріндегі жетістіктері аз емес, атап айтар болсақ, «Балалар дауысы. Қазақстан» және басқа да халықаралық жобаларда бақ сынап көрген, «Алтын микрофон» байқауының лауреаты атанған. Мұнымен қоса, ол Белоруссия елінде өткен «Под крыльями Ориона» байқауында топ жарды. Олар биыл «Қазақстан дауысы» жобасында ТОП 10 «ГОЛОСА» МИРА «THE BEST OF VOICE» атанды.