Елге аман-есен жетіп алдық. Үйге құтты болсын айтып келген қонақтарды шығарып салдық. Таңмен таласа Қазақстан Шымкент теле арнасына сұхбат бердік. Енді айтыс жайында бір-екі ауыз жазуға болады. Сонымен Қостанай облысы,Амангелді ауданында өткен керемет тойдың куәсі болдық. Халық батыры Амангелді Имановтың 150 жылдық мерей тойы жоғарғы деңгейде өтті. Ұлттық спортқа,ұлттық өнерге,ғылыми конференцияға басымдық берген Тобыл-Торғай елінің береке-бірлігі,ымырасы мен ынтымағы сүйсінтті. Оның ішінде елдің айтысқа деген ықыласы,ақындарға деген құрметі бөлек енді. Әдетте футбол өтетін стадиондар доп додалары кезінде болмаса Димаш секілді әншілер келгенде ғана толып қалушы едіғой. Бұл жолы төл өнеріміз айтысқа деп келген ағайынның стадионға толып отырғаны таң тамаша етті. Тобыл-Торғай жұртына Алла жар болсын! Амангелді ауданының тарихына,тұлғаларына тоқталсақ таңды-таңға ұрып айтуға,том-том кітап жазуға болады. Мен бір нәрсені айта кеткім келіп отыр. Ауданда әлемнің 7 кереметі топтастырылған үлкен туристік кешен салынып бітуге таяу тұр. Көптеген аудандарда бола бермейтін жабық бассейн аудан жұртшылығына қызмет етіп тұр. Ғажапқой я. Тойдың болғанынан боладысы қызыққой негізі. Оны ұйымдастыру,үйлестіру бар дегендей. Қыруар шаруалардың шашауын шығармай ұйымдасыра білген Қостанай облысының әкімдігіне,мәдениет басқармасының басшысы Құралбек Бүркітбайұлына,Дамир Елтайұлына және барша мәдениет ұжымдарына Амангелді ауданының әкімі Талғат Тойшыбек ұлы бастаған серкелерге алғысым шексіз!
Тобыл-Торғайда республикалық ақындар айтысын өткізу жыл сайынғы дәстүрге айналды. Нұрхан Ахметбеков,Қонысбай Әбілов,Әсия Беркенова секілді халық ақындары туылған өңірде айтысқа деген махаббаттың ерекше болуының өзі заңдылық сияқты.
Аманжол Әлтай ағамыздың жүргізуімен,халық ақыны Әсия Беркенова апамыздың, Серікбай,Ақылбай сынды ғалым ағаларымыздың ,Жанарбек Әшімжан, Айбек Қалиев секілді ақтангерлеріміздің әділ қазылық жасауымен жақсы бір айтыс өтті. Шауып тұрған сәтте бағымды байламай қолдау білдірген Ақын аға-апаларыма мың алғыс! 20 жыл айтыс сахынасында жүріп алғашқы темір тұлпарды Торғайда мінгенімнің өзі бір тарих болып қалмақ.
Шымқалаға кіріп келгенде құшақ ашып қарсы алған Анамды,Ұстаздарымды ақын-бауырларымды,әріптестерімді,достарымды көргенде қатты қуанып,толқығанымды жасырмаймын. Жеңісімді елеп-ескеріп алдымнан шыққан Шымкент қаласы мәдениет басқармасының басшысы Сәкен Шәкев бауырыма, ұстаздарым Әбдіхалық Әбдірайымұлына, Бөрібай Оразымбет, Карима Оралова, Анар Жаппаркулова ға, Бахтияр Спанов, Рашид Нұрманұлы ағаларыма, барша бауырларыма алғыс айтамын. Одан бөлек әлеуметтік желі арқылы қуанып құттықтап жатқан барлық тілекшілеріме үлкен рақмет. Баршаларыңызға бақыт тілеймін!
Тәуелсіздігіміз тұғырлы,егемендігіміз еңселі болсын. Арда өнеріміз аман болсын!
