Бүгін, 5 қыркүйек — Алаш қозғалысының қайраткері, ғалым, түркітанушы, қазақ тілі білімінің атасы Ахмет Байтұрсынұлының туған күні. Әрі Қазақстан халқы тілдерінің күні.
2017 жылы «Қазақстан Республикасында мереке күндер тізбесін бекіту туралы» үкіметтің қаулысына сәйкес, Қазақстан халқы тілдері күні 5 қыркүйекте тойланады. Бұған дейін Тілдер мерекесі 22 қыркүйекте атап өтілетін. 5 қыркүйекке ауыстыру себебі – бұл күні ұлт ұстазы Ахмет Байтұрсынұлының туған күні.
Халықтың сауатын аша жүріп қоғамда орын алып жатқан мәселелерге тоқталған алаш азаматының еңбегі жалғасын тауып келеді. Елі үшін еңбегін арнаған асыл ердің тіл дамыту жолындағы әр сөзі қазір де күшін жойған жоқ.
Бүгінгі мереке құтты болсын! Тіліміз дамып, өркендей берсін!
