Батырды ұлықтау мерекесі сәуір айында ел ордасы Астанадан бастау алып, күні бүгінге дейін республикалық деңгейде аталып өтуде. Батырдың атымен аталатын, туған жері Амангелді ауданында да дүбірлі той бастау алды. Қыркүйек айының 3-9 күндері ауданымызда республикалық деңгейде өткізгелі отырған ауқымды іс – шараларымыздың алғашқысы суда жүзуден 2013 жылы туған және одан кіші жастағы балалар арасында суға жүзуден Қостанай облысының чемпионаты. Аталған чемпионат аудан тарихында тұңғыш рет өткізілуде. Бұл чемпионаттың ауданымызда өтуі бізге, елге деген көрсеткен үлкен құрметі. 

 

Жарысқа Қостанай, Лисаковск, Рудный, Арқалық қалалары, Горняк, Спорт клуб командалары және өзіміздің Аманкелді ауданының командалары қатысуда.

 

Аудан әкімі Карбозов Талғат Тойшыбекұлы, меценат, жиһанкез Сапар Ысқақұлы және жарыстың бас төрешісі Лещин Максим Сергеевич сөз сөйлеп, спортшыларға сәттілік тіледі. Аудан әкімі арнайы келіп, қатысып отырған спортшыларға, қонақтарымызға ауданымызға қош келдіңіздер деп, Қостанай қаласынан келген Лещин Максим Сергеевичке Алғыс хат табыс етті.

#ГидПоКазахстану