Бүгін М.Дулатов атындағы Қостанай инженерлік-экономикалық университетінің 12 студенті мемлекеттік сынақ тапсырып, дипломдық жұмысты сәтті қорғады

Олар енді мәдени демалыс-қызметін ұйымдастыру саласының маманы. Осы студенттердің ішінде мәдениет саласында бұрыннан еңбек етіп жүрген әріптестеріміз де бар.

Атап өтер болсақ, Арқалық қаласы Мәдениет үйінің директоры Алмагүл Жұмабаева, Б.Майлин ауданының Елизоветинка ауылының мәдениет қызметкерлері Зарина Алтынбаева мен Жансұлу Костылева, Қостанай ауданындағы «Алтын дән» Мәдениет үйінің әншісі Юлия Галич, Сарыкөл ауданының мәдени ұйымдастырушысы Лилия Данильчук, рудныйлық ақын Ғылымгерей Кенжеғозин, көптеген халықаралық, республикалық байқауларды жүргізіп жүрген Жітіқара мәдениет үйінің қызметкері Дастан Рысбек. Бүгін олар диплом алып, жоғары білімді маман атанды. Олар Қостанай облысының мәдени саласының өрлеп, алға басуына бар күштерін салып, өз өлкелерін одан сайын дамыта түспек.

— Оқу бітіріп шыққан студенттердің арасында өз әріптестеріміздің болғаны қуантты. Облыстық мәдениет басқармасы мен М.Дулатов атындағы ҚИНЭУ өзара меморандумға қол қойған еді. Осы келісімнің шарапаты қызметкерлерімізге де тиіп отыр, – дейді комиссия мүшесінің қатарында болған Облыстық көркемөнерпаздардың халық шығармашылығы мен кинобейнеқор орталығының басшысы, мемлекеттік емтиханның төрағасы Дәмер Қалқаев.

Барша әріптестерімізді құттықтап, алдағы жұмыстарына сәттілік тілейміз.