Қостанай облысының мәдениет басқармасы жаңа жобаны қолға алып отыр. Өнердің үлкен жүгін арқалаған "Өнер керуені" облысымыздың түкпір-түкпіріндегі ауылдарды араламақ. Жоба аясында облыстық филармония, театрлар өнерлерін ортаға салып, музейлер көшпелі көрме ұйымдастырады. Облыстық кітапханалар ақын-жазушылармен кездесулер өткізеді.
Бұданөлек суретшілер, бишілер, әншілер өскелең жас ұрпақ өкілдеріне шеберлік сабақтарын береді. Бүгін алғашқы сапар Федоров ауданынан басталды. "Өнер керуені" аудандағы ірі елді мекендердің бірі — Пешков ауылына келіп тоқтады. Белгілі балалар ақыны, Жазушылар одағының мүшесі Александра Суслова мектеп оқушыларымен кездесіп, шығармашылық жайлы әңгіме өрбітті. Ауылдық мәдениет үйінің фойесінде облыстық тарихи-өлкетану музейінің көшпелі көрмесі қойылды. Ал, көрермендер залында Е. Өмірзақов атындағы облыстық филармония ұжымы концертін ұсынды. Аудан әкімі Тәуба Қайыржанұлымен бірге, жобаны жұртшылыққа таныстырып, өнер ұжымдарына сәт сапар тілеп қайттық. Алдағы уақытта "Өнер керуеніне" байланысты ұсыныстар, пікірлер болып жатса, біз оларды қарастыруға дайынбыз. Ақ жол, "Өнер керуені"!

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Culture Qostanai (@culture_qostanai)