Лисаков қаласында «Ұлттық рухани жаңғыру» ұлттық жобасының аясында «Ұлттық киім – трендте» атты қазақ халқының ұлттық сәнімен тігілген киім үлгілерінің дефилесі өтті
Жобаның авторы – Алмагүл Тоқтарқызы. Ол қалалық мәдениет үйінің директоры. Мәдениетке, өнерге жаны жақын, тың жобаларға басатамашы болып жүрген жан.
Биылғы жылы Рухани жаңғыру бағдарламасы аясында 11 жобаны қолға алып, жүзеге асырған.
Көрсетілім барысында 30-ға жуық киім үлгісі таныстырылды. Олардың әр қайсысы ерекше, ұлттық нақышы бар, әсем үлгілер.
Аталмыш шараға қала әкімінің орынбасары Саят Шаймұрынов, қалалық мәдениет және тілдерді дамыту бөлімінің басшысы Жанат Мырзабаева, сондай-ақ, облыстық көркемөнерпаздардың халық шығармашылығы мен кинобейнеқор орталығының басышы Дәмер Қалқаев пен көркемдік жетекшісі Бағдат Оспанов қатысып, орталық атынан ерекше жобаларды жүзеге асырып, мәдениетке зор үлес қосқан Алмагүл Тоқтарқызын құттықтап, Алғыс хат тарту етті.
Ал ел мәдениетін дамытып жүрген азаматтарға қолдау білдіріп, көтермелеп жүретін орталық басшысы Дәмер Елтайұлы Лисаков қаласының әкімі Абай Ибраевтің Алғыс хатымен марапатталды.