Бүгін 13 желтоқсан күні Мәдениет қызметкерлері арасындағы "Өнер арланы - 2022" қазақ күресі турниріне Сарыкөл ауданының әкімі Амантай Балғарин мен орталық басшысы Дәмер Қалқаев құрметті қонақ ретінде қатысып, марапаттау рәсімінде аудан әкімі орынбасарымен жүлдегерлерді марапаттады
Халық шығармашылығы бөлімінің басшысы Гүлнар Молдашева мен әдіскері Бибігүл Баженова Сарыкөл аудандық мәдениет үйінің тыныс-тіршілігімен жіті танысып, сандық құжаттарын, ауылдық клубтардың мәдени ұйымдастырушыларының іс-қағаздарын тексеріп, методикалық көмек көрсетті. Кездесуге ауылдық клубтардың 15 мәдени ұйымдастырушысы қатысты.
Мәдениет үйінің жылдық жұмысымен танысып, алдағы жылдың жоспарымен ақылдасты.
Жиын соңында аудандық мәдениет үйінің директоры Гүлнар Каскова, методикалық кабинет меңгерушісі Татьяна Кривальцевич және Сарыкөл аудандық мәдениет үйінің ұжымы жылдық қорытынды бойынша орталық басшысының Алғыс хаттарымен марапатталды.
Бүгінгі іс-сапар барысында аудан әкімінің орынбасары Дастан Әбжамалов және Мәдениет, тілдерді дамыту, дене шынықтыру және спорт бөлімі басшысы Нұрсұлтан Шүленовпен әңгіме құрып, ауданда өтетін жобалар туралы сөйлесті.
Алдағы уақытта Сарыкөл ауданымен тығыз шығармашылық қарым-қатынаста боламыз.
