Кейінгілер айтқан сөзін мақал, қайтарған жауабын мәтел, жазған жыры ғибрат, өнеге деп бағалаған халқымыздың бір туар перзенті, алаштың қайраткері, тақтақ ақын

Талай патша айрылды,
Мініп өткен тағынан.
Талай байлар айрылды,
Айдап баққан малынан.
Талай жақсы айрылды,
Құстай ұшқан бағынан.
Талай ерлер айрылды,
Жол таба алмай барынан.
Жазылған болса тағдырда,
Пенденің болмас сағынан.

Осылайдеп Алланың жазған тағдырына шынайы сеніммен қарап, өзгені де өзі татқан иман атты ләззаттың ақ қайнарынан сусындауға шақырған Нұржан ақынның қазақ руханятына қосқан үлесі зор.

Бұдан бөлек Сәбит Мұқанов, Әлкей Марғұлан сынды қазақтың марқасқа тұлғалары да Нұржан Наушабайұлының шығармашылығын жоғары бағалаған. Оған себеп қазақ өнерінің биігінде самғаған қыран таланттың бір қанаты ақындық болса, бір қанаты шешендік болған.

Ағайын жат болады алыс болса,
Болады жатта жақын таныс болса.
Достарың дұшпан түгіл табалайды,
Табаның сәл нәрседен шалыс болса деп арасына қыл сыймай құйылып түскен Нұржан ақынның шумақтары әлі күнге дейін жұрт жадында жүр.

Тыңдарманына көңлдегі назын ақтарған Нұржан өлеңінің
Түзік бол дұрыстықпен білгеніңше,
Жүріп қал жан аманда жүргеніңше.
Тағдырда жазған нәсіпті арттырмассың,
Қалып бұзып епке салма өлгеніңше.

Құрметті көрермен, осылайша құнарлы сөзін, құнды мұрасын қалдырған Нұржан Наушабайұлының әндерін, жыр-термелерін
17 қараша күні, сағат: 14:00 де,
18 қараша күні, сағат: 11:00 де
Қостанай ауданы «Алтын дән» мәдениет үйінің киелі сахнасында тыңдай аласыздар.