ТОРҒАЙДА ӨТКЕН ДҮБІРЛІ ТОЙ

Біздің Міндетіміз Орталық туралы Халықтық (Үлгілі) ұжымдары Қостанай облысының МҰ сайттары Сұхбат Фото мен бейне галереясы «Шабыт қанатында» журналы Қостанай обл.метсенаттар клубының лауреаттары Біз БАҚ-та Сұрақ-жауап

ҚОСТАНАЙ ОБЛЫСЫНЫҢМӘДЕНИЕТ ҮЙЛЕРІНІҢАҚПАРАТТЫҚ ПОРТАЛЫ

Қостанай облысы әкімдігінің мәдениет басқармасының

Русский

RU KZ

№1 Қазақстанда

БАСТЫ ОҚИҒАЛАРДЫҢ КАЛЕЙДОСҚОПЫ БАЙҚАУЛАР МЕН ФЕСТИВАЛЬДАР ШЕБЕРЛІК СЫНЫПТАРЫ ӘДІСТІМЕЛІК ЖИНАҚ БАЙҚАУЛАР ЕРЕЖЕЛЕРІ ІС-ШАРАЛАР АНОНСТАРЫ

Оқиғалардың калейдосқопы

ТОРҒАЙДА ӨТКЕН ДҮБІРЛІ ТОЙ

02.10.2022

1241

Дереккөз: BAQ.KZ

Қарт Торғайда ұлт ұстазы Ахмет Байтұрсынұлының 150 жылдығына арналған мерекелі шаралар өз деңгейінде өтті. Дүбірлі тойға Парламент Сенатының төрағасы Мәулен Әшімбаев арнайы келді. Қазақтың қос алыбы Ахмет Байтұрсынұлы мен Міржақып Дулатұлы ескерткішінің салтанатты ашылу рәсіміне қатысып, құттықтау сөз сөйледі. Қос алыпқа қойылған қола ескерткіштің ашылуынан кейін қонақтар Торғайдағы Ахмет пен Міржақып мұражайына бас сұқты. Биыл ұлт ұстазының мерейтойы аясында бұл музей 170 млн теңгеге бастан-аяқ жөнделіп, іші-сырты жаңарды. Реэкспозиция жұмыстары жүргізілді. Мемлекеттік сыйлықтың иегері, ғалым, жазушы Қойшығара Салғараұлының келуі ел үшін үлкен қуаныш болды. Жиналған қауым, мәртебелі меймандар Жеңіс Жұбанқосов жасаған ескерткіштің сәтті шыққанын айтып, ризашылығын білдірді. Жаңарған, жаңғырған музей де тау тұлғаларымыздың есіміне лайықталып, жаңа мазмұнмен толықты.

«Ұлтына ғұмырын арнаған Ұлы тұлға» атты ғылыми-тәжірибелік конференцияда Сенат Спикері ел Президенті Қасым-Жомарт Тоқаевтың құттықтау хатын оқып берді. Өз сөзінде Мәулен Әшімбаев ұлт ұстазы, аса көрнекті ғалым, ағартушы, тарихи тұлға Ахмет Байтұрсынұлының саяси және рухани мұрасына кеңінен тоқталып өтті. Сондай-ақ Сенат Төрағасы Мемлекет басшысы ел дамуының жаңа тарихи кезеңінде өңірлерді өркендету мәселесіне баса мән беріп отырғанын, осы бағытта тиісті органдарға нақты тапсырмалар бергенін және алдағы міндеттерді нәтижелі орындау үшін Парламент жүйелі жұмыс жүргізіп жатқанын айтты.

Байтұрсынұлы мен Міржақып Дулатұлына арналған Конференцияда белгілі зиялы қауым өкілдері, көрнекті қоғам қайраткерлері де сөз сөйледі. Ахмет Байтұрсынұлының 150 жылдығына орай арнайы мерейтойлық медалі шығарылды. Мерейтойлық медальмен ел ағалары, Ахмет Байтұрсынұлының мерейтойына атсалысқан азаматтар марапатталады. Олардың қатарында мәдениет саласының үздігі, өлкетанушы, Торғайдың Жангелдин мұражайлар кешенінің басшысы Сәрсекей Гүлбану Күлетқызы, Ахмет Байтұрсынұлы мен Міржақып Дулатұлының әдеби музейінің реэкспозициясының авторы Хайруллин Данияр Әлібекұлы да бар екенін айта кеткеніміз жөн болар.

Қостанай облысының әкімдігі тағайындаған дәстүрлі «ТІЛ ЖАНАШЫРЫ» сыйлығы биылғы жылы Ахаң мұрасын зерттеген ғалымдарға беріледі.

Белгілі ақын, ғалым, филология ғылымдарының кандидаты Серікбай Оспанұлы Оспановқа ұлт ұстазының өмірі мен қызметін зерттеген еңбегі және рухани мұрасын насихаттағаны үшін 1 миллион теңге табысталды. Биылғы жылы Серікбай ағамыздың «Ұлт ұстазы» кітабы ТҮРКСОЙ халықаралық ұйымының қолдауымен Түркиядан жарық көрген болатын.

Тарих ғылымдарының докторы Дмитрий Максимович Легкийдің монографиясы Ахмет Байтұрсынұлы өмірінің белгісіз қырларын зерделеуге арналған. Ғалымға 500 (бес жүз) мың теңге ақшалай сыйлық тапсырылды.

Филология ғылымдарының докторы Әбсадық Алмасбек Ахметұлы Алаш ардақтысының ұстаздық қызметін зерделеуге арналған монография жазып, биылғы жылы жарық көрді. Ғалымға 500 (бес жүз) мың теңге сыйлық тапсырылды.

Сонымен қатар бірқатар ел азаматтарына «Жангелдин ауданының құрметті азаматы» атағы берілді. Мәдениет саласының үздігі, мәдениет ардагері, ұзақ жылдар бойы ауданның өнерін дамытуға ерекше үлес қосып, халық театрының жұмысын жандандырған Ерденова Рысты Ерденқызының осы атаққа лайық болғаны зор қуаныш.

Той түстен кейін Ахмет Байтұрсынұлының кіндік қаны тамған Сарытүбек қонысы мен Ақкөл ауылында жалғасты. Мұндағы іс-шара аруақтарға тәу етіп, ас берілумен жалғасын тапты. Ахаңның атақонысы ¬ - Сарытүбектегі қорымда ұлт ұстазының әкесі Байтұрсын мен ағасы Қали жерленген. Олардың жанына биыл халық боп қаржы жиып, Ахаңа ақ кесене тұрғызылды.

Кешке орталық стадионда мерекелік концерт басталды. Онда тек Ахаңның әндері ғана емес, Тобыл-Торғай өңіріне арналған әндер де шырқалды. Тойға әннен шашу шаша келген кеш қонақтары Анар Мұздаxанова, Ардақ Балажанова, Шаxаризат Сейдаxмет, «Қоңыр» тобы және Қуандық Раxым сынды танымал өнер жұлдыздары Торғай жерін ән мен жырға бөлеп, көңілдерін бір көтеріп тастады. Мерекелік концерт Шахаризат бастаған барша торғайлық өнерпаздардың орындауында «Айналайын, Торғайым» әні орындалып, кеш мәресіне жетті. Елдің көңілі көтеріліп, бір жасап қалды.

Көпшіліктің делебесін қоздырған ұлттық спорт түрлерінен жарыстар өткенін де айта кету керек.

Осынша маңызды шараны ұйымдастыруға мұрындық болған Қостанай облысының әкімдігіне, Жанкелдин ауданының әкімшілігіне және де облыстық мәдениет басқармасына айтар алғысымыз шексіз.