Жітіқара аудандық мәдениет сарайында «Жітіқара ауданының мәдениет мақтанышы» атты байқауы өтті. Шараның мақсаты мәдениет қызметкерлері мен көркемөнерпаздардың әлеуетін көтеріп, дамуына жол ашу.
Көпшіліктің дауыс беруі бойынша Алмат Елшібаев жеңімпаз атанды. Оған «Жітіқара ауданының мәдениет мақтанышы» атағы берілді. Жеңімпаз бен барша қатысушылар аудан әкімінің марапатына ие болып, бағалы сыйлықтар алды.
Байқау аяқталған соң көпшілік аудандық мәдениет сарайының директоры Өтетілеуова Күләш Апанқызын салтанатты жағдайда құрметті демалысқа шығарып салды.
Мәдениет саласында жемісті еңбек еткен Күләш Апанқызына аудан әкімінің орынбасары Зүлфия Орманова, аудандық мәдениет бөлімінің басшысы Жаңылдық Алтайқызы алғыстарын білдіріп, құттықтады. Аудан әкімінің Алғыс хатын табыстады.
Облыстық халық шығармашылығы орталығының басшысы Дәмер Қалқаев пен бөлім басшысы Гүлнар Молдашева облыс әкімі Архимед Мұхамбетовтің Алғыс хаты мен облыстық мәдениет басқармасының басшысы Ерлан Қалмақовтың құттықтауын жеткізіп, иығына шапан жауып, құрмет көрсетті.
Әріптестермен кездесіп, ауданның мәдениет саласындағы атқарылып жатқан жұмыстармен танысып, пікір алмасқан сәтті сапар болды.
