Құрметті театр қызметкерлері!
Баршаңызды Халықаралық Театр күнімен шын жүректен құттықтаймыз!
"Театр тобырды халыққа айналдырады" деген неміс жазушысы Томас Манның сөзі бар. Шынымен де бұл бекзат өнер қоғам мен адам өмірінің айнасына айналып, жан емшісі, ой-сана демеушісі болып келеді.
Сондықтан театр қай заманда да өз биігінен түсіп көрмеген, түспейді де. Сіздер, сахнагерлер, актерлікті қабілет емес, қасиет деп таныған жансыздар! "Рөлдің кішісі болмайды, кішкентай актер ғана бар" дейтұғын қағиданы төбеге тұтып, көрермен көңілін киелі төр көрген қауымсыздар! Демек, сіздердің өнерлеріңіз қашанда қадірлі! Бұл саланың жүгін көтерісіп жүрген әр қызметкердің де еңбегі әркез бағалы!
Оның үстіне, Тобыл-Торғай — қазақ театрының бастауында тұрған Қапан Бадыров, Серке Қожамқұлов секілді ұлылар туған өлке. Ал сол кесек тұлғалардың бүгінгі ізбасарларының дарынды, арынды, жалынды болуы —табиғат жазған заңдылық!
Кәсіби мерекелеріңіз қарсаңында әрқайсыңызға толайым табыс, шығармашылық жеміс, талмас талап, қажымас қайрат тілейміз! Тобыл театрының көшін өрге сүйрей беріңіздер!
