Бүгін Қостанай облысы әкімдігі Мәдениет басқармасының «Облыстық көркемөнерпаздардың халық шығармашылығы мен кинобейнеқор орталығы» КМҚК директоры Дәмер Елтайұлы Қалқаевтың туған күні. Қуаныш иесін ұжымымыздың атынан шын жүректен құттықтаймыз!
Өнер жанашыры, білікті басшы, шебер маман, елгезек ұйымдастырушы Дәмер Елтайұлы өңірімізде мәдениет саласының дамуы жолында қажырлы еңбек етіп келеді. Ұлт өнерін, халық шығармашылығын өрістету игілігіне мүдделес, мұраттас әріптестерін жұмылдырып, ізгі бастамаларға мұрындық болып жүргеніне бәріміз куәміз.
Сізді үнемі «Талпынысым – халқым үшін» дейтін белсенді азаматтардың алдыңғы шебінен көреміз. Орталыққа басшылық ете отырып, әр алуан мәдени, рухани іс-шаралардың ұйытқысы бола жүріп, командаңызды бедел белесіне бастап келесіз. Алдағы уақытта да ұжымыңызды жетістік ауылына жетелей береріңізге зор сенім білдіреміз.
Құрметті Дәмер Елтайұлы, жаңа жасыңызбен құттықтай отырып, сізге ұзақ та ғибратты ғұмыр, зор денсаулық, мол бақыт, шығармашылық табыс, отбасыңызға бақ-береке тілейміз! Алла сізге екі дүние нығметін нәсіп етсін! Жасыңыз ғасыр асуынан асып өтсін!
Бүгін Қостанай облысы әкімдігі Мәдениет басқармасының «Облыстық көркемөнерпаздардың халық шығармашылығы мен кинобейнеқор орталығы» КМҚК директоры Дәмер Елтайұлы Қалқаевтың туған күні. Қуаныш иесін ұжымымыздың атынан шын жүректен құттықтаймыз!
