Тобыл-Торғай әуендері айдарының кезекті санында, сазгер, жас талант Есмағамбетов Нұрлыбек Төлегенұлы
ӨЗІҢІЗДІ ТАНЫСТЫРЫП КЕТСЕҢІЗ?
Есмағанбетов Нұрлыбек Төлегенұлы. 1989 жылы Қостанай облысы, Амангелді ауданы, Амангелді селосында дүниеге келіп, қазіргі таңда сол өңірде өнер мен кәсіпкерлік саласында қызмет жасап жүрмін.
ӨНЕРГЕ ҚАЛАЙ КЕЛДІҢІЗ?
Өнерге мектеп қабырғасынан бастап жақын едім. Амангелді ауданындағы Б. Қолдасбаев орта мектебін бітіріп, Қостанай қаласындағы ҚМУ-не түсіп оқуыммен қатар өнер жолын қатар алып келдім.
ҚАШАННАН БАСТАП ӘН ЖАЗА БАСТАДЫҢЫЗ, БІРІНШІ ШЫҚҚАН ӘНДЕРІҢІЗГЕ ТОҚТАЛЫП КЕТСЕҢІЗ?
Университет қабырғасында өнерге деген қызығушылық артып, шағын студия ашып ән жазу жұмыстарын бастап кеттік. Қазіргі таңда халыққа танымал Торғайлық ақын Саят Әбенов екеуміз алғашқы ән жазуды осы университет қабырғасынан бастадық. Ақын досымның сөзіне жазылған Ғашығым, Махабат айдыны, Қос жүрек, Қолдасбаев, Амангелдім, Кездеседі ғашығың және т.б. әндеріміз бар. Туған жер, мектебіміз, махаббат жайлы әндер жазып келдік.
ҚАЗІРГІ ЖАҢА ШЫҒЫП ЖАТҚАН ӘНДЕРГЕ КӨҢІЛІҢІЗ ТОЛА МА?
Қазіргі шығып жатқан әндерге көңілім толады. Сөздері халыққа жеңіл және сөзге бай, толғандыратын әндер жетерлік. Аранжировка жағында да алдыға ілгерілеу жақсы дамып келеді. Шет елдерге шығатын әндер жетерлік деймін.
АЛДАҒЫ ШЫҒАРМАШЫЛЫҚ ЖОСПАРЫҢЫЗ?
Жоспарым туған өлкеден көзінде оты бар, өнерді сүйе білетін, жасаған еңбегіңді жолда тастамайтын, өнегелі жастарға демеу болсам ба деймін. Ән қоржынына өз әніммен толықтырып қолдап жіберу.
