Өңірде өтіп жатқан "Өнеріміз саған, Қазақстан!" атты ХХХІV облыстық көркемөнерпаздардың халық шығармашылығы фестивалінің кезекті думаны Қостанай қаласында жалғасты.
Облыс орталығындағы байқауда өлкеге ғана емес, тұтас елге танымал таланттар өнерлерін паш етті. Әсем ән де, әсерлі күй де, көз тартар би де көрерменнің ыстық ықыласына бөленді.
Өнерпаздар қатарында Х-фактор байқауы арқылы елге әйгілі болған "БРО" дуэті ән салғанын айтсақ та кештің қандай деңгейде өткенін айғақтайтындай.
Дәстүрлі өнер дәріптеліп, таңғалдырарлық шоулар көрсетіліп, қалың жұрт назарына қойылымдар ұсынылды. Қостанайлық сахна шеберлерінің өнерлері қазылар алқасынан да лайықты бағаларын алды.
