ТУҒАН КҮНІҢІЗБЕН ҚҰТТЫҚТАЙМЫЗ!

Құрметті Айтбай Мұздаханов!

Сізді 80 жасқа толған мерейтойыңызбен шын жүректен құттықтаймыз!

Сіз бойыңызға Тәңір сыйға берген құдіретті өнермен өзіңізді ғана емес, өңірді әйгілеген ерекше өнер иесісіз.

Қазақтың құдіретті күй өнеріне деген іңкәрлігіңіз арқылы Алаш жұртын таң-тамаша еттіңіз.

Саналы ғұмырыңызды ұлт өнерін насихаттауға арнап, 60-тан астам күй шығарған дәулескер домбырашы екеніңіз қаймана қазаққа мәлім.

Сондай-ақ, қазақтың ән қоржынына қосқан 40 шақты туындыңызды рухани қазынаға балаймыз.

Қазақтың даңғайыр даласы, әсем-сұлу табиғаты, ұлттың дүниетанымы мен дегдар болмысы, халық басынан өткен талайлы тағдыр - сіздің туындыларыңыздың арқауы. Төл өнеріміздің биік белеске көтерілуіне өлшеусіз үлес қосқан сіздей майталманның даңқы қашанда төрде.

Сіздің "Амангелді дүбірі", "Ер есімі ел есінде", "Тархан баба" сынды туындыларыңыз ұрпақтар сабақтастығымен мәңгілікке керуен тарта бермек!

Бүгінгі мерейтойыңызбен ыстық ықыласпен құттықтай отырып, ғасырдан асуыңызды, отбасыңыздың аман-сау, бақ-берекелі болуын тілейміз!

Өңірдің мәдени мұрасына қосар өміршең шығармаларыңыз көп болсын! Күмбірлі күйлеріңізбен, салқар сазыңыз ен қалың қазақты әлдилей беріңіз!