Ілияс Омаров атындағы Қостанай Облыстық Драма Театрының актёрлары: Қонысбек Бегайдаров, Зәмзәгүл Бегайдарова және Азамат Шүкеев Түркістан қаласының су жаңа театрынынң ашылуына зор үлес қосуда. ⠀
Театр премьерасы Дулат Исабековтың пьесасы бойынша сахналанған “Бөрте” спектаклімен басталады. Спектакльдің режиссері әйгілі италиялық Давиде Ливермор (Davide Livermore). Рөлдерде Айя Шәріп, Ақбота Қаймақбаева, Нүркен Өтеуілов, Еркебұлан Дайыров, Лейло Бекназар-Ханинга, Әділ Ахметов, Алмахан Кенжебекова, Алихан Идрышева, Ержан Нұрымбет, Нартай Сауданбекұлы, Қонысбек Бегайдаров, Зәмзәгүл Бегайдаров, Алтынай Нөгербек, Азамат Чукеев, Толқын Нұрбекова, Әшім Ахметов, Қуаныш Қонысбеков, Әйгерім Қайратқызы ойнайды. Хамит Шаңғалиев спектакльге арнап эксклюзивті музыка жазды.
⠀ Cпектакльде көрерменге иммерсивті әсер тудыруға септік ететін озық техникалық және креатив шешімдер кеңінен қолданылатынын ерекше атап өткізіміз келеді. Декорация мен реквизиттердің шынайлығы, сахна киімдерінің тартымдылығы Сізді жарты әлемді жаулаған Моңғол империясының XIII ғасырдың атмосферасына сүңгітіп, Шыңғыс ханның жұбайы Бөрте ханымның өмірімен жақынырақ танысуға жол ашады.
