«Сағындырған әуендер» айдары: «Ұстазым, менің ұстазым» әні, орындаған Ақбота Керімбекова
02.10.2021
3535
0
Ақпаратты достарыңызбен сілтеме арқылы бөлісіңіз:
Көрнекті композитор Қостанай өңірінің тумасы Әбілахат Смағұлұлы Еспаев 1925 жылы 25 қазанда дүниеге келді.
1942 жылы 17 жасында өз еркімен майданға сұранып аттанды. Соғыстан кейін мұғалім болып жұмыс істейді. 1953 жылдан Қазақ радиосында музыкалық редактор болып қызмет атқарды. 240-қа жуық әндер мен романстардың авторы, 8 спектакльге музыка жазған. Қ.Аманжоловтың «Досымның үйленуі», С.Адамбековтің «Күн мен көлеңке», Ә.Тәжібаевтың «Той боларда» спектакльдеріне және И.Байзақовтық «Ақбөпе» поэмасы бойынша радиоқойылымға музыка жазды.
1973 жылы Мәскеуде өткен Бүкілодақтық ән байқауында Ж.Жабаевтың сөзіне жазылған «Одағым -бақыт ордасы» атты әні үшін жүлделі екінші орынды иеленді. Композитордың ән мұрасы қазақ өнерінің алтын қорына енді.
Ә. Еспаев 1980 жылы 30 сәуірде дүниеден өтті.
Ұлағатты ұстаздарды төл мерекелерімен құттықтай отырып, Аманжол Шамкеновтың сөзіне жазылған, жерлесіміз Әбілахат Еспаевтың "Ұстазым менің, ұстазым" әнін тарту етеміз.
