Жамбыл Жабаев 1846 жылы 28 ақпанда қазіргі Жамбыл облысындағы Жамбыл тауының етегінде дүниеге келген. Ұлы жүздің Шапырашты тайпасының ішіндегі Екей руынан шыққан.
Жамбыл кішкентай кезінен-ақ, әнші-күйші, ақын - жыраулардың өнерін сусындап өсті. Жетісу жеріне жиі-жиі ат терлетіп ұлы Абай, Біржан сал, Шашубай, балуан Шолақ, Жалайыр Түбек, Майкөт, Майлықожа, Құрманғазы, Сүйінбайлар келетін. Осындай өнер бесігінде өскен Жамбыл суырып салма айтыс, жыр өнерін өркендетеді.
Жамбыл ақын – айтыс ақыны, абыз жырау ретінде байтақ эпикалық дәстүрді жалғастырып,сөз өнеріне жаңаша импровизациялық үрдісті енгізді, жауынгер жыршы ретінде сөздері елдің рухын көтере отырып, ұранға айналды. Бәйтерек ақын халық поэзиясының атасы атанды.
