Ғафу Қайырбеков киелі Торғай жерінде туды. Ақын, халық жазушысы. Ұлы Отан соғысы жылдарында аудандық тұтыну одағында, мектепте еңбек етті. Абай атындағы қазақ педагогика институтын (қазіргі Абай ат. ҚазҰПУ) бітірді.
1952-1968 жылдары Қазақ мемлекеттік баспасының поэзия бөліміне жетекшілік жасап, «Қазақ әдебиеті» газетінің бас редакторының орынбасары, «Жазушы» баспасында поэзия редакциясының меңгерушісі, Қазақстан жазушылар одағының поэзия бөлімін басқарды,
«Жұлдыз» журналының редакторының орынбасары болды.
«Жұлдызды тағдырлар» кітабы үшін ақын Қазақстан Республикасы Мемлекеттік сыйлығының лауреаты атағына ие болды.
«Халықтар достығы» орденімен және бірнеше медальдармен марапатталған.
Көптеген өлеңдеріне ән жазылып, халықтың сүйіспеншілігіне бөленді.
