Қостанай облысының өнерпаздары 2019 жылы халықаралық байқауларда 77 жүлделі орынды қанжығалады
Доңыз жылын дүйім Қостанай өңірінің өнері мен мәдениеті үшін мәйекті деп айтуға болады: облыстың 36 шығармашылық ұжымы мен 52 дара талант иелері Қазақстандағы және басқа мемлекеттердегі 33 халықаралық фестиваль мен байқауларда бақ пенен баптарын сынады. Нәтижесінде, екінші және үшінші орындарды есепке алмағанда, 27 бас жүлде мен 25 бірінші орынды тақымға басты!
Италияда өткен «Creativita Senza Frontiere» атты халықаралық вокалдық байқауында ел намысын қорғаған Ясмин Ибраева мен Ерназ Қабдыхамитов бас жүлде мен бірінші орынға ие болды.
Шәміл Фахрудтиновтың тәлімімен талай белесті бағындырған «Карнавал» би ансамблі Грузиядағы Георгий Салуквадзе атындағы ХХ халықаралық фестиваль-конкурсында Бас жүлдені еншілеп қайтты.
Ал Алмат Жаңабай Болгариядағы өнерсүйер қауымды қарым-қабілетімен таң-тамаша етті. Жерлесіміз «Мы - XXI век» және «Речные ноты» атты халықаралық байқауларда қос бірінші орынды қоржынға салды.
Ясмин мен Алмат секілді жас өскін мықтылардың қанатын қатайтып, шығармашылық шабыт бітіру үшін Қостанай облысында әр түрлі қалыптағы байқаулар ұйымдастырылады, басым көпшілігі халықаралық деңгейде: Дирижерлардың Халықаралық форумы, «Наурыз достарды шақырады» атты Халықаралық хореографиялық өнер фестивалі, «Алтын микрофон» Халықаралық вокалистер байқауы, «Жас толқын» жастар фестивалі, «Өнеріміз саған, Қазақстан!» атты халықтық көркемөнерпаздар фестивалі және басқалары.
Өңірдегі өрелі жастарды қолдауда меценаттар Клубының үлесі қомақты. Мәдениет, өнер, журналистика, ғылым, білім беру және спорт саласында жеткен жетістіктері үшін жастарға «Шабыт» сыйлығы жылда табысталады.
2019 жылы 14 адам және бір шығармашылық ұжым «Шабыт» сыйлығына ие болды. Мақтаулылардың қатарында Мейірімхан Назарханов және Динара Намиялы («Вокал»), Айгерім Балғынбаева («Хореография»), Наурызбай Әмірхамзин («Шығармашылық ұжым жетекшісі»), Екатерина Садовникова («Бейнелеу өнері»), Диана Тұрсынова («Театрлық өнер»), Ербол Мұхиядинов («Музыкалық өнер») және басқалары.
Dala FestАйтысАуыл тынысыАхмет Байтұрсынұлы – 150 жылДеген екенЕлге сәлемЖеңімпаздарЖыр маржанКездесулер мен презентацияларКонцертМарапаттауМәдени мұраРухани жаңғыруСаясатСағындырған әуендерТарих жебесіТеатр әлеміндеТобыл-Торғай әуендеріШығармашылық кешҚазақтың дәстүрлі 1000 күйіҚұттықтаймыз!Ән – көңілдің ажары
