Абай Сейдахметов жетекшілік ететін қазақ ұлт-аспаптар ансамблі Қазанғаптың «Ақжелең» күйін ерекше шабытпен орындап, халықты ұлттық мұрамен қайта қауыштырды. Бұл күй көрерменнің жүрегіне жетіп, залды рухтандырды. Сонымен қатар, сахнада күй тартысы да өтті. Өнерпаздар күйдің әрбір әуені арқылы өнер тартысын күшейтіп, тыңдармандардың делебесін қоздырды.

 

Кеш барысында Бекзат Әбіқанның орындауындағы «Арнау» шығармасы да тыңдармандардың көңілінен шықты. Қазақ ұлт-аспаптар ансамблінің сүйемелдеуімен орындалған «Қостанай – ару қалам» әні туған жерге деген махаббатты тереңнен сезіндірді. Рысжан Біржанқызының әуелете орындаған «Сағындым сені» әні де көрермендерді әсерге бөледі, әннің әрбір әуені жүректерге жетті.

 

Сондай-ақ, «Вдохновение» вокалдық ансамблі «Мельница» әнімен ерекшеленіп, орындауымен көзге түсті. Кеште Біржан салдың «Шәйлім шырақ» әні орындалып, залға рухани сезім сыйлады.

 

Фестивальдің жоғары деңгейде өтуі өнерпаздардың сапалы дайындалғанын айғақтап, аудан әкімшілігінің өнерге деген қолдауы мен көмегінің арқасында жүзеге асқанын көрсетті. Сахнаның безендірілуі, дыбыс сапасы және көрерменге арналған ұйымдастыру жұмыстарының барлығы да кештің сәнін келтіріп, өнер кешінің сәтті өтуіне ықпал етті.