Фестивальдің көркін кіргізген қойылымдардың бірі - «Гүлденген ауыл» көрінісі болды. Ауыл өмірінің көркем бейнесін сахнада шынайы түрде көрсетіп, көрермендерді туған жерге деген ерекше сезімге бөледі. Айман Зыбалеваның орындауындағы «Алғашқы сабақ» монологы тыңдарманның жүрегіне жетіп, терең ой тастады.

 

Өнер сүйер қауымға ерекше әсер қалдырған өнер ұжымдарының бірі - «Ивушки» вокалды тобы. Олар орындаған «Сердце земли моей» әні көрерменнің көңілінен шығып, ұлттық және заманауи рухты біріктірген әсерлі туынды болды. «Экзерсис» би тобының мың бұрала билеген «Шпыцыка» биі би өнерінің сұлулығын көрсетіп, ерекше көңіл-күй сыйлады.

 

Александр Кузьмин жетекшілік ететін «Даймондс» хоры орындаған халық әні «Япур-ай» көркемдік тұрғысынан жоғары деңгейде орындалып, ұлттық өнерді бағалаушыларға ерекше қуаныш сыйлады. Театр әртістері Бейімбет Майлиннің «Неке қияр» шығармасынан үзінді көрсетіп, қазақ драматургиясының өзекті тақырыптарын сахнада шеберлікпен жеткізді.

 

Сонымен қатар, қазақтың төл өнерінің көрінісі болған «Алаш» биі де көрермендердің рухын көтеріп, патриоттық сезімін оятты. Ұлттық нақыштағы қимылдары мен үйлесімі мерекенің көркін қыздырды.