Аудандық мәдениет үйінің көркемдік жетекшісі, түрлі шығармашылық конкурстардың лауреаты, дәстүрлі әндер орындаушысы Байдос Қожасағиев "Өлмейтұғын артына сөз қалдырған" термесін орындап, аға буынның жүрегін елжіретті. Томирис Марден бастаған "Бадрисафа" хореографиялық ұжымы көрермендерді "Қонақжай құрбылар" қойылымымен қуантты. "Тобыл сазы" вокалдық байқауының лауреаты Азат Тобылұлы Муслим Магомаевтың аты аңызға айналған әнін орындады. 40 жылдық тарихы бар «Гармония» вокалдық тобы да әсем әнді әуелетті.