Б.Майлин ауданы ХХХVI «Өнеріміз саған, Қазақстан!» атты облыстық көркемөнерпаздардың халық шығармашылығы байқау-фестивалін жоғары деңгейде өткізді. Қорытынды кешке аудан халқы жиналып, қолдау білдірді.
Концертке мәдениет саласының қызметкерлері қатысып, өнерлерін ортаға салды. Атап өтетін бір жайт мәдени шарада режиссуралық жұмыстың шеберлігі жоғары деңгейде болды. Көркемдік жетекшісі Айман Зыбелеваның еңбегі көрініп, қазылар алқасы жоғары баға берді. Бишілер шеберліктерімен тәнті етті. Республикалық, халықаралық байқаулардың жүлдегерлері көп. Демек, аудан өнерпаздары үнемі дамып, байқаулардан қалмай, аудан, облыс атын шығаруға атсалысып жүр. Мәдниет үйінің ұжымы жұдырықтай біріге білетіндіктерін көрсете алды. Ұрпақтар сабақтастығы да сақталған. Танымал ақын Мамай Ізтілеуден бастап өзгелер де шәкірттерімен шығып, қарсы алды.
Қазылар алқасы Таңатқан Жүрсіннің орындауындағы «Даланың ару қызы» әнін, Мейрамбек Кенжебаевтің орындауында «Қазақтың қара баласы», Дариға Тәттібекованың орындауындағы халық әні «Бүлдіргенді» даралай кетті. Сонымен қатар халық театры ұжымының «Амангелді» пьесасынан үзінді қойғандары ерекше болды. Қабылдиндар отбасылық ансамблі «Жақсы адамдар» әнін де әдемі әуелете білді. Марк Забелин мен Полина Засенец «Либертангоны», Александр Фролов «Көзің әдемі» әнін жақсы орындады.
Жалпылай алғанда аудан өнерпаздары өздерін биіктен көрсете білді.
